權權日記 2/12/2008 天氣晴,心氣陰

今云真黑仔,又有位比新聞紙入！！

夜啲就打電話比李少講,今次真係要"廟"下佢至得,叫鬼咗佢同下屬夾下口供先接受訪問架啦,搞到前言不對後語,今云又比正苦公關部詐型喇。
係呀,係我叫佢地拖住唔好包機嘅...點丫!?
在我呢個特手而言,包唔包機,其實就好似八號風球嗰陣,依然有啲人唔識死拖埋一家大細去睇浪咁,唔通消防員遲咗嚟救你,你浸Q死咗又關我事呀！？今次獲嘢,遇著個中心風力強,影響範圍又廣嘅颱風咁咪lai嘢囉！
9月我都叫啲馬仔出travel alert格,你地又膽生毛,仲要去！而家出咗事又嗌生嗌死,話人唔救你！一陣用公帑包機救你,其他巿民又話我慷他人之慨！正苦一向都教你地要注意個人安全,唔通你貪一時之快叫雞唔用套,生愛滋又要政府免費醫你咩,唔醫又話我冇人性,又要話唔交稅呀,去移民呀...咁咩！！
睇住丫,遲啲個個返哂屋企,又會話我唔監管旅行社,喺travel alert之下都比你地出發去危險地方,啲旅費又要正苦包底架喇,你地貪得無厭架~~

都唔明你地嘅,日日都問候我同我老母,你地知唔知呀,你地對政府嘅要求己經遠遠超出咗你地交嗰雞碎咁多嘅稅所能支付嘅開支喇！計我話呢,你地日日嘈,懶高鬥咁睇唔起大6,其實你地個個嘅本質都非常擁護共燈黨,日日都猴住正苦啲錢,我拎哂出嚟分,食大鑊飯你地就安樂架勒！
交得最多稅嗰班中燈呢..其實比你地都有say,不過都比正苦榨得有氣冇頂抖咯,冇聲出架喇；至於啲窮人,死好彩有班睇準你地易煽動嘅臘鴨會議員撐住,嗌一聲話幫你爭取啫,你地就投票,其實有幾多嘢真係爭取到丫,搞旅行、抬紙棺材佢地就叻！

講開臘鴨會,我最欣賞都係長毛,間唔時抬下紙棺材就比人趕出會,個個月白支十幾個,咩都唔駛做,叻仔！不過阿仔你真係要諗下計仔喇,下下都係嗰款扎作,巿民好快就知道你冇heart架喇..

以香江而家咁嘅時勢,真係為官一日,青絲掉盡...就算比你地lur到全民普選選特手,咪又係等於選個人出嚟比人插！既然係寫日記冇人見到,唔講嗰句都講埋：大6阿媽就係知道你地係又嘈,唔係又嘈先至唔普選咋,費事第二時香江成日有政變呀！！